Por sorte, dentro desta complexa situación, as sesións demostrativas en liña, ou webinars son unha das poucas actividades que aínda se poden realizar e son 100% libres de COVID.
Ao igual que o ano pasado, dende AGASOL convidáronos presentar o GLPI, desta volta, debullando as máis salientables funcionalidades que ofrece a nova GLPI 9.5.
Eis o motivo, e este o lugar onde pode consultar as diapositivas ao teu ritmo, e o vídeo se non puideches velo en directo.
Para futura referencia., deixo os anuncios co programa:
E logo, que hai de novo?
Pois a idea, era dar un repaso polo que fai o GLPI, por se había algún despistado, e despois amosar os highlights, as funcionalidades máis destacadas de 9.5.
Esta versión publicada o pasado xullo, trae ducias de melloras, moitas delas teñen relevancia para usuarios da aplicación, mais do que se trataba era de amosar as máis rechamantes; as que poden facer que decidas elixir GLPI como a túa ferramenta principal para xestionar o departamento TI.
Coma sempre, aquí tes a presentación:
Click on the button to load the content from docs.google.com.
E o vídeo.
Acabo de velo completo. Sinto que non estea en galego, cousa da falta de clientes no país, e case non o publico da cantidade erros e imprecisións que cometo. Terei que preparar o vindeiro con máis calma O:).
Importante: se xa coñeces GLPI podes avanzar até o minuto 18:30, onde comezo falar das novas funcionalidades.
Click on the button to load the content from livestream.com.
Agradecementos
Non cansamos de agradecer a AGASOL, a AMTEGA, ao CDTIC por aloxalo. E como non a Sergio, que é a voz en off e quen técnicamente acada que todo isto funcione.
Para calquera consulta de GLPI, tedes toda a web chea de xeitos de contactar, e aínda que é un pouco de principios de século, tamén podes deixar un comentario 😉
Só dúas cousas para rematar:
- César, isto é un webinar,
- e si, levo unha nova camisa 🙂