A partir da versión 42, o navegador Google Chrome ten desactivado o soporte para Java, entre outros plugins coma Silverlight, Unity, Google Earth, Google Talk ou Facebook Video, e aínda que puidera parecelo, non é unha decisión tomada á lixeira. Como se pode comprobar nesta nova de setembro de 2013, o navegador máis utilizado arestora no mundo, xa anunciou que cesaría o soporte dos plugins NPAPI 2 anos despois.
Que pasou? Que ao igual que co fin de soporte de Windows XP non fixemos moito caso ata que xa foi moi tarde. De feito e a xulgar por esta gráfica, no momento de publicación, case 1 de cada 5 usuarios que navega navegan por Internet, é un insensato cun Windows XP, un sistema operativo que leva 1 ano sen recibir actualizacións de ningún tipo.
Como evitamos o JAVA-GEDON?
No caso que nos ocupa, de momento podemos trampear seguindo estas sinxelas instrucións:
- Abrimos o Chrome
- Escribimos na barra de enderezos: chrome://flags/#enable-npapi
- Prememos: Habilitar NPAPI
- Finalmente reiniciaremos o navegador (Fechar e volver a abrir Chrome).
É unha solución definitiva?
Pois para os fans de Chrome teño malas novas. Non é unha solución definitiva. De feito en setembro de 2015, o navegador de Google deixará de soportar os plugins NPAPI, co cal non se poderá acceder a servizos tan innecesarios coma os da Agencia Tributaria (AEAT), e LexNET.