Por qué tardan tanto en entrar as mensaxes no Gmail? (e como evitalo)

Comprobar o correo doutras contas (usando POP3) é unha práctica funcionalidade Gmail que permite recibir o correo de ata 5 contas de correo electrónico nunha caixa de correo unificada. O seu comportamento ven sendo o dun xestor de correo tradicional como pode ser Microsoft Outlook ou Mozilla Thunderbird, cunha significativa diferenza: nos primeiros prográmase unha comprobación periódica dos servidores de correo, que podemos programar con valores baixos como cada 5 minutos; no caso do Gmail é a propia intelixencia do servizo o que vai variando a frecuencia das comprobacións, en función de si atopa novas mensaxes que descargar ou non, e no peor dos casos comezará a comprobar se hai novas mensaxes cada hora.

Para un uso habitual non debería ser moi importante ese atraso de 1 hora, mais hai ocasións nas que estamos a agardar a chegada dese correo importante, e non queremos, e aquí ven o bo, ni temos porque agardar tanto.

A solución: Comprobar se teño correo agora en Gmail

E como chegamos ata esa opción máxica? Dun xeito moi sinxelo con 4 clics de rato (segue as instruccións ou os números vermellos das imaxes):

1. Unha vez na nosa conta de Gmail, prememos na icona da engrenaxe de Configuración.
2. E no menú despregable eliximos Configuración novamente.
3. Na nova pantalla seleccionamos Contas e importación.
4. E alí no apartado Comprobar o correo doutras contas (usando POP3): atoparemos a opción Comprobar se teño correo agora.

A continuación as imaxes para que ninguén se perda ;).

E xa que estamos, neste mesmo apartado temos 3 datos adicionais, e informativos que compre explicar:

1. Comprobouse por última vez o: tempo que pasou desde que se comprobou (manual ou automaticamente) a caixa de correo remota por última vez.
2. X correos recuperados:  Número de mensaxes recollidos na última comprobación. Se non aparece é porque non se recuperou ningún.
3. Ver historial: Ofrécenos a hora e resultado das últimas recuperacións.

Quedou claro?

Se non foi así utiliza os comentarios ou utiliza os medios de contacto dispoñibles na cabeceira da páxina: teléfono, enderezo electrónico ou redes sociais.