É difícil de crer, pero TICGAL fai nove anos! Ao celebrar o noso 9º aniversario, queremos aproveitar un momento para reflexionar sobre a nosa viaxe e expresar a nosa gratitude a todos os que formaron, continúan a formar e agardemos que por moitos anos, parte da nosa marabillosa historia.
Este ano, a nosa equipa (xa somos 11!) reuniuse nun acolledor restaurante na cidade que nos viu nacer, Pontevedra, para brindar polos nosos logros, compartir historias e mirar cara ao futuro. A enerxía na sala era contaxiosa, chea de risas, camaradaría e un sentimento de orgullo por todo o que alcanzamos. Como unha feliz coincidencia, tamén tivemos a oportunidade de celebrar o aniversario da nosa última compañeira de equipo no mesmo día, facendo a ocasión dobremente especial. De novo, parabéns Alejandra!
Como os primeiros partners de GLPI no mundo de fala hispana, e únicos da Galiza, estamos encantados de ter acadado o nivel Gold este ano. Só hai 6 no mundo! Este fito é un testemuño do noso compromiso inquebrantábel en ofrecer solucións e servizos de TI de primeira calidade. A nosa experiencia en GLPI permitiunos causar impacto non só perto de nós, senón a nivel global.
Outro punto destacado da nosa viaxe foi a introdución das formacións Zabbix en España, que nos levará a presentar a nosa próxima integración GLPI-Zabbix. Estamos entusiasmados por ter axudado a organizacións de todos os tamaños a optimizar a súa infraestrutura de TI a través da nosa experiencia en Zabbix. Estas formacións exemplifican a nosa paixón polas tecnoloxías de código aberto e o noso impulso para potenciar as empresas con ferramentas de vangarda.
Ao longo dos anos, TICGAL expandiu a súa pegada en catro continentes, difundindo a filosofía do código aberto e as solucións GLPI a clientes diversos. Foi unha aventura increíble e non poderiamos telo feito sen a confianza e o apoio das organizacións e individuos de todo o mundo.
Entón, a todos e cada un de vós que creron en nós e se asociaron con nós nesta viaxe, estendemos a nosa gratitute máis profunda. O voso éxito é o noso éxito e sentímonos honrados de ter formado parte del.
Mentres agardamos o próximo capítulo da historia de TICGAL, mantemos o noso compromiso coa excelencia, a innovación e a comunidade de código aberto. Estamos ansiosos por seguir aprendendo, medrando e evolucionando xunto cos nosos socios e clientes. E non podemos agardar para ver que nos vai traer o futuro.
Por estes 9 anos marabillosos, e de hoxe nun ano!
Feliz 9º aniversario, TICGAL! ????
A equipa TICGAL
Deixa unha resposta