Recoñecemento á innovación por Pont-Up Store para Gapp de TICGAL: A aplicación móbil de GLPI

Novas fantásticas dende o equipo de TICGAL! Estamos encantados de anunciar que recibimos un recoñecemento especial na primeira edición dos Premios á Innovación do Pont-Up Store.

Pont-Up Store

Pode que te preguntes: Que é exactamente Pont-Up Store? Pois é unha iniciativa sen ánimo de lucro bastante brillante en Pontevedra, a nosa cidade, e que aposta polo emprendemento e a innovación. Pódese considerar como un punto de encontro que une a novas empresas, mentes creativas e á comunidade local. Para ser membro da súa asociación, é necesario ter participado nalgúnha das súas actividades. Con máis de 200 membros, é unha rede que non para de medrar! Nós tivemos o pracer de participar no seu evento Puntazo Express no ano 2019, do que podes ler máis aquí. Organizan con frecuencia eventos, obradoiros e, como agora sabemos, premios para destacar as grandes iniciativas que están a xurdir na rexión.

Gapp

Entre os nosos desenvolvementos máis destacados está Gapp: a aplicación móbil máis versátil de GLPI. Para que vos fagades unha idea, non é calquera aplicación: é unha ferramenta de traballo especializada, lonxe de ser un xogo ou unha aplicación de mensaxería máis. É unha solución potente, deseñada para optimizar os fluxos de traballo e mellorar a produtividade empresarial. Esta innovadora aplicación acadou algúns fitos notables:

• Máis de 50.000 descargas en todo o mundo.
• Traducida a máis de 20 idiomas.
• Compatíbel con máis de 10 plugins.
• Confiaron nela máis de 40 clientes White Label.

I Edición dos Premios á Innovación

A miúdo dise que ser recoñecido na túa propia casa pode ser, ás veces, un pouco máis complicado. Por iso, recibir este recoñecemento especial dunha organización en Pontevedra ten para nós un significado aínda máis especial.

Pont-Up Store celebrou recentemente a súa primeira edición dos Premios á Innovación, coa intención de dar un impulso merecido ás empresas asociadas que están a romper moldes cos seus produtos e servizos innovadores. Estes premios foron unha oportunidade fantástica para dar visibilidade e poñer en valor o traballo dentro do tecido empresarial local.

Non os imos aburrir cos detalles máis técnicos dos criterios de valoración — que incluían aspectos como a novidade da innovación, a súa proposta de valor e o impacto positivo que está a ter — pero podemos dicir que estamos moi orgullosos de ser recoñecidos. Este “recoñecemento especial” pon en valor o noso esforzo, o que sempre é moi gratificante.

Estamos moi contentos con este recoñecemento e o vemos como un gran estímulo para seguir innovando e ofrecendo o mellor aos nosos clientes e á comunidade en xeral. Noraboa a todos os proxectos premiados e un agradecemento enorme ao Pont-Up Store por este recoñecemento!