GLPI 11 Subtitutos autorizados: quen valida na miña ausencia?
Estiveches fóra da oficina unha semana. Cando voltas, atopas unha morea de traballo e decátaste de que ducias de solicitudes críticas levan días paradas, agardando pola túa validación. Sóache?
Nas versións anteriores non existía a posibilidade de autorizar a outro usuario para que validase as túas peticións. Isto podía convertese nun auténtico problema cando un compañeiro se ausentaba uns días ou simplemente cando a carga de traballo non daba tregua.
Pero iso é historia. Cos substitutos autorizados de GLPI 11, unha nova función nativa resolve este problema: a delegación de validacións.
Agora podes deixar a outro compañeiro ao mando das túas validacións durante o tempo que precises, sen complicacións nin sobresaltos. Vexamos como.
Activar a delegación
O menú de configuración é doado de atopar:
As miñas configuracións > Substitutos autorizados.
Dende aí, o usuario escolle un substituto (que teña permisos de validación) e define un intervalo de tempo no que a delegación está activa.
Validacións durante a ausencia
Durante o período de delegación, o substituto actua no lugar do usuario ausente, validando as súas peticións sen necesidade de acceso directo á súa conta. Todas as accións quedan rexistradas en GLPI, mantendo así a trazabilidade e deixando claro quen fixo cada validación.
Neste exemplo a validación está solicitada a “carlos.cto”.
Na seguinte imaxe, o usuario “alex.it” está a visualizar a solicitude, pero como non foi autorizado por “carlos.cto”, non poderá validar a petición pendente.
Pola contra, “laura.it” si autorizou a “alex.it”, polo que, na petición na que se solicita a súa validación, este poderá aceptar ou rexeitar a petición sen problema.
E se o usuario está desactivado?
Boa pregunta 😉
Pois si, tamén funciona!
Pódese validación en nome dun usuario desactivado, sempre que o substituto e a validación foran asignados antes de que o usuario fose desactivado.
Neste outro exemplo podemos ver como o comportamento da funcionalidade é igual cando o usuario está inactivo
Primeiro vemos como o usuario orixinal autorizou a outro para validar as súas peticións.
Despois, aínda que a conta aparece desactivada, a validación segue sendo posible porque o substituto xa estaba configurado.
E, por último, a solicitude coa petición de validación, onde o substituto pode aceptar ou rexeitar a petición sen ningún contratempo.
Notificacións
No momento en que se crea unha petición de validación, o sistema envía automaticamente unha notificación ao usuario encargado de validala.
Nesta mensaxe inclúese o nome do usuario solicitante e unha descripción da validación que se require.
Ademais, se existe un substituto autorizado, este tamén recibe a notificación.
Por exemplo, neste caso a petición está asignada a “laura.it“, o seu substituto “alex.it” tamén será avisado.
Cando a solicitude é aprobada polo substituto autorizado, o usuario autorizador recibe unha notificación.
No noso exemplo, “alex.it” valida, pero “laura.it” tamén recibe unha mensaxe que mostra que o seu substituto aprobou ou rexeitou a solicitude.
En caso de que o usuario que autorizou estea desactivado, chega unha notificación igualmente, pero sen destinatario.
Non está nada mal, verdade?
En conclusión, con esta funcionalidade, GLPI 11 elimina un dos grandes inconvenientes da xestión de solicitudes: as validacións bloqueadas por ausencias.
Agora poderás marchar de vacacións, asistir a formacións ou simplemente desconectar, sen medo a deixar nada pendente por validar.
GLPI 11 garante continuidade, trazabilidade e tranquilidade.
Ou dito doutro xeito: podes marchar coa maleta tranquilo, que o teu substituto xa se encarga.😎
Por que a cadea en_GB usa un “z” en “Authorized” é outro misterio por resolver, pero mellor deixalo para outro día.
Referencias
Artigos de GLPI 11 relacionados:
Deixa unha resposta